GDS Sabre өкілдерімен ашық сабақ: туризмдегі заманауи брондау жүйелері

18 наурыз күні «Туризм және сервис саласындағы электрондық брондау және резервтеу жүйелері» пәні бойынша ашық сабақ өтті. Сабақ аясында халықаралық брондау жүйесі GDS Sabre өкілдері шақырылды.

Студенттер алдында GDS Sabre жүйесінде жұмыс істеуді оқыту жөніндегі бас маман Татьяна Евгеньева, сондай-ақ GDS Sabre компаниясының Алматы қаласындағы кеңсесінің директоры Ербол Жаныбеков сөз сөйледі.

Кездесу барысында студенттер GDS Sabre жүйесінің заманауи мүмкіндіктері мен жаңалықтарымен танысты, оның ішінде әуе билеттерін брондау және туристік қызметтерді басқарудың қазіргі құралдары қарастырылды. Жүйені кәсіби қызметте қолдануға ерекше назар аударылды.

Спикерлер қазіргі туризм индустриясындағы авиаагент мамандығының маңыздылығын атап өтіп, жаһандық брондау жүйелерін меңгерген білікті мамандарға сұраныстың жоғары екенін және осы саладағы мансаптық өсу мүмкіндіктерін ерекше айтты.